Kanabis “Gorrilla”/ “Mbillet në Shqipëri, fara është modifikuar në laboratorët e Spanjës”. Artan Hoxha zbulon çmimin stratosferik të drogës së re

Gazetari investigativ, Artan Hoxha ka publikuar pamjet nga një plantacion me kanabis në Shqipëri. Zona ku është mbjellë droga nuk bëhet e ditur, por gazetari thotë se bëhet fjalë për një hibrid të ri të kanabisit me emrin “Gorrilla”.

Sipas gazetarit, fara është modifikuar në kushte laboratorike në Spanjë dhe për herë të parë është kultivuar në Shqipëri. Sipas Artan Hoxhës çmimi i një kilogram kanabis “Gorilla” shkon në 4500 euro.

“Në rastin konkret ata janë profesionistë. Në ambiente të hapura. Kjo e ka çmimin 4500 euro. 4 herë më shumë se bima. Nga 100-200 gram për bimë. Është për treg Europian. Se është shumë cilësore. Është një bimë e mirë nga Europa dhe aplikuar në Shqipëri”, tha Artan Hoxha për ABC News.

Lloji i ri i drogës, sipas gazetarit, piqet brenda 60 ditëve dhe prodhimi është 100-200 gram për bimë.