Është arrestuar në Ukrainë shefi i kokainës, bullgari Evelin Banev i njohur si “Brendo”. 56-vjeçari, ish-kreu i një bande kriminale bullgaro-italiane aktive në trafikun ndërkombëtar të drogës u arrestua në Kiev.
Banda e tij u godit në fund të majit 2012 në Bullgari, si pjesë e një operacioni të quajtur “Mbretërit e kokainës”, kryer nga shërbimet speciale bullgare dhe italiane me ndihmën e Interpolit.
Organizata e lidhur me Ndranghetën Kalabriane, e përbërë nga mbi tridhjetë persona, nga të cilët 15 bullgarë dhe 12 italianë, transportuan në Itali nga Amerika e Jugut, kryesisht nga deti, mesatarisht 40 tonë kokainë në vit.
Më 25 qershor 2012, shefi u ekstradua në Itali, ku u dënua me 20 vjet burg për trafik droge.
Më vonë u dërgua përsëri në Sofje, ku arriti të fshihej në 2015.
