Ish-kryeministri Sali Berisha do të vazhdojë turin e tij të takimeve me bazën e partisë, ditën e nesërme në qytetin e Shkodrës.
Ky është një prej qyteteve ku PD ka pasur vazhdimisht epërsi ndaj socialistëve, dhe Berishës pritet ti rezervohet një mbështetje e madhe.
Takimi me bazën e demokratëve do të zhvillohet në orën 18:00 në Kinema Millenium, ndërkohë që me interes do të pritet qëndrimi që do të mbajnë deputetët e këtij qarku, por edhe vetë kryebashkiakia Voltana Ademi.
Asnjë prej deputetëve të Shkodrës të paktën publikisht nuk ka dalë pro Berishës, ndërkohë që qëndrim për zhvillimet brenda partisë nuk ka pasur as kryebashkiakja e vetme e PD, Voltana Ademi.
Më herët Berisha ka mbajtur takime me bazën e partisë në Tiranë, Fier, Vlorë dhe Durrës, ku i janë bashkuar dhe deputetët Edi Paloka, Flamur Noka, Luan Baçi, Tritan Shehu, Oerd Bylykbashi dhe Bujar Leskaj.
Postimi i Berishës:
Njoftim!
Neser, diten e premte me daten 1 Tetor ne ora 18:00 ne sallen e Kinema Milenium te qytetit te Shkodres do mbahet “Foltorja: Per nje Parti Demokratike me te bashkuar, me te forte, me te hapur”.
Ftoj demokratet dhe demokratët e Shkodres te marrin pjese. Vetem te bashkuar fitojme! sb
(E.K/Faxweb.al)
Discussion about this post