“Asnjë nuk do t’ia dijë për ata njerëz aty”, denoncim për grevën në Burgun e Burrelit: Kanë filluar presionet, duan ta mbajnë të fshehtë

Një denoncim ka mbërritur në redaksinë e Fax News mbrëmjen e sotme sa i takon grevës së urisë që po mbahet prej ditësh në Burgun e Burrelit.

Sipas denoncuesit, greva ka nisur prej 6 ditësh, por ka tentativa që ajo të mbahet e fshehtë me presione ndaj të burgosurve. Keto presione kane ardhur nga stafi dhe drejtoria e pegjithshme e burgjeve, sipas denoncimit ne fjale.

Gjithsesi, të burgosurit nuk kanë ndërment të ndalen. ATa paralajmërojnë se grevës do t’i bashkohen në vazhdim burgjet e tjera të Shqipërisë.

Të burgosurit janë në grevë për shkak të kufizimit të takimeve me vetëm një takim në muaj, dhe ky me jo më shumë se dy njerëz. Telefonatat e pakta që ju lejohen po ashtu përgjohen, gjë e cila bie ndesh me privatësinë thotë denoncuesi.

Ndër të tjera, ai deklaron se askush nuk do t’ia dijë për të burgosurit, por kjo është e padrejtë prandaj dhe nuk do të ndalen.

(E.H/Faxweb.al)