Prokuroria e Tiranës kërkon 20 vite burg për sipërmarrësin Francesco Becchetti, i cili akuzohet për “pastrim parash” dhe “vjedhje duke shpërdoruar detyrën”.
Prokuroria e Tiranës ka lexuar pretencën ndaj biznesmenit Francesko Becheti kete te enjte, duke kerkuar 20 vite burg për italianin i cili prej 6 vitesh është shpallur në kërkim nga autoritetet tona. Ndaj tij janë ngritur akuzat për vjedhje duke shpërdoruar detyrën si edhe për krijimin e skemave mashtruese me qëllim përfitimin e paligjshëm të parave. Gjithashtu, ndaj tij rënson akuza edhe për pastrimin e parave.
Francesco Bechetti është sipërmarrësi italian, i cili hapi në Shqipëri kanalin “Agon Channel”, por pas një përplasje me qeverinë e Kryeministrit Edi Rama u vendos për sekuestrimin e këtij televizioni si dhe të tjera pasurive të sipërmarrësit italian.
Në atë kohë, Francesko Beccheti akuzoi shtetin shqiptar se masat kundër tij u morën përshkak të linjës editoriale që ndiqte televizioni kundër Ramës, dhe vendosi ta hedhë në gjyq qeverinë.
Gjyqi mes biznesmenit italian lidhet me vendimin e qeverisë aktuale për të konfiskuar asetet e tij në Shqipëri, përfshirë hidrocentralin në ndërtim të Kalivaçit dhe televizionin Agon Channel në kuadër të një hetimi për pastrim parash.
Urdhri i sekuestros dhe kërkesa për arrestimin e Becchettit u bë temë e një debati politik në Shqipëri në vitin 2015 ku opozita politike dhe vetë Becchetti akuzoi qeverinë e kryeministrit Edi Rama se kishte orkestruar një sulm ndaj tij për shkak të vijës editoriale kritike të Agon Channel ndaj qeverisë së Ramës. Rama këmbënguli se qeveria po luftonte një skemë pastrimi parash.
Shqipëria humbi përfundimisht gjyqin me sipërmarrësin italian Francesco Becchetti, lidhur me dëmshpërblimin e kërkuar nga ai për mbylljen e televizionit “Agon” në vitin 2015.
Qendra Ndërkombëtare për Zgjidhjen e Mosmarrëveshjeve të Investimeve (ICSID) një gjykatë arbitrazhi, pjesë e Bankës Botërore, e dënoi Shqipërinë në Prill të vitit 2019 me 110 milion euro, duke gjykuar se mbyllja e televizionit ishte “motivuar politikisht”. Ky dënim përfaqëson dhe vlerën më të lartë me të cilën Shqipëria është dënuar nga një gjykatë arbitrazhi.
Autoritetet shqiptare reaguan duke kërkuar anullimin e vendimit të marrë. Në Gusht të vitit 2019 ICSID pranoi ankimimin duke urdhëruar pezullimin e përkohshëm të ekzekutimit të vendimit të saj. Kërkesa për anullim është një formë e jashtëzakonshme rekursi e parashikuar në mbrojte të parimeve themelore juridike që lidhen më një process.
Mirepo, Beccheti pasi hapi çështje kundër Shqipërisë në Gjykatën e Arbitrazhit Ndërkombëtar, deklaroi se ka fituar në ty dy shkallët e gjykimit. Sipas deklaratave të tij në prill të këtij viti, shuma totale që Shqipëria duhet t’i paguajë arrin në rreth 150 milionë euro.
Edhe vete qeveria ka pranuar se shuma që duhet t’iu paguhet subjekteve të mësipërme është 99 milionë e 487 mijë euro, plus interesat. Në prospekt thuhet gjithashtu se përfituesit kanë nisur procedurat për njohjen dhe ekzekutimin e detyrimit në Shqipëri, Austri, Belgjikë, Angli, Itali dhe Holandë. Madje, qeveria shqiptare ka pranuar se Becchetti dhe përfituesit e tjerë kanë arritur të mbledhin një pjesë të shumës së fituar në disa shtete, duke përfshirë Anglinë, Francën dhe Italinë.
I vetmi qe nuk ka pranuar se gjyqi eshte humbur me Becchetti-n ka qene Kryeministri Edi Rama, i cili ka kundershtuar gjithmone sa here eshte pyetur per humbjen e gjyqit, duke thene se gjyqi nuk eshte humbur ende.
(E.H/Faxweb.al)
