Në një intervistë të dhënë për Mundo Deportivo, Riyadh Nasser Al-Attiyah, princi i Katarit dhe pjesëtar i familjes pronare e Qatar Group që zotëron edhe Paris Saint-Germain, ka folur për të ardhmen e Kylian Mbappe, i cili duket se është gjithmonë dhe më afër largimit me kosto zero në fund të sezonit.
Fjalët e thëna për median iberike duket se nuk lënë hapësirë për interpretime:
“Mbappe te Real Madrid? Tashmë dini gjithçka. Kur dikush ka dëshirë të largohet, nuk është e lehtë ta mbash”.
Por jo vetëm. Tri herë kampioni i Dakar ka folur edhe për preferencat e tij në futboll duke i befasuar të gjithë:
“Është e vërtetë se Qatar Group është pronar i PSG, por edhe nëse PSG i përket familjes sime, zemra ime është për Barçën, që e dua. E dua Barçën”.
Nëse flitet për klubin parisien dhe Barcelona-n, e pamundur të mos bëhet një pyetje për Messi-n:
“E preferoj tani te PSG apo kur ishte te Barcelona? Messi është numri 1, pavarësisht nga mosha e tij. Ka fituar gjithçka dhe tani po luan shumë mirë dhe e respektojmë akoma shumë”.
Discussion about this post