Deputeti i Partisë Demokratike, Luçiano Boçi ka denoncuar ditën e sotme emërimin e Hysen Koldashit si drejtor i shkollës “Ahmet Zogu” në Kamëz.
Boçi thotë se ky person është shkakruar nga detyra si drejtor i shkollës “Hilari Klinton” në Kamëz në vitin 2020, pas një denoncimi nga emisioni “Fiks Fare”, për shitje të materialeve të shkollës.
Deputeti demokrat më tej thotë se mësuesit janë të revoltuar nga ky vendim, ndërkohë ai shton se tashmë është bërë e zakonshme emërimi i të tillë personave mjafton të jesh militant politik.
Postimi i Bocit
Pas emërimit të mësuesit të dënuar për pedofili një tjetër emërim skandaloz vjen nga Ministria e Arsimit.
Hysen Koldashi, u shkarkua nga drejtor i shkollës 9-vjeçare Hilari Klinton Kamëz në Maj 2020, pas publikimit te Fiksit, për shitjen e materialeve të shkollës.
Por kjo nuk është konsideruar dhe dje, ish-drejtori i shkarkuar, është emëruar përsëri drejtor.
Tani në shkollën Ahmet Zogu Kamëz.
Mësuesit janë të revoltuar dhe denoncojnë rastin.
Emërimi i personave me precedentë të tillë është bërë tashmë normë.
Mjafton të jenë militantë politikë!
(E.H/Faxweb.al)
