“Komisioni duhet ta çojë PD në zgjedhje”, Gjekmarkaj dhe Bushati sulmojnë Bashën: Duhet të ikësh, e shkatërruat PD-në

Helidon Bushati ka qenë një prej deputetëve më të ashpër ndaj kryedemokratit Lulzim Basha në mbledhjen e grupit parlamentar të PD.

Gjithashtu i ashpër ndaj kryedemorkatit është treguar edhe Agron Gjekmarkaj i cili dha dorëhqejen nga pozicioni i nënkryetarit të PD dhe kërkoi më tej që të krijohej një komision për ta çuar PD-në në zgjedhje për kreun e partisë.

Basha nga ana tjetër vazhdoi të këmbëngulë se ekzistonte mundësia e riorganizimit ose mundësia që PD t’i dorëzohej ish kryeministrit Sali Berisha, i cili sipas Bashës, po e përdor partinë për t’u mbrojtur nga non-grata.

Disa prej kërkesave të Bushatit: Duhet te ikesh, duhet te hapet gara ne PD. Berisha e ka mbyll duhet te zgjedhin demokratet cili na bashkon. Duhet te jemi pertej egos, e shkaterruat PD ju dhe Berisha. Duhet te ikesh, ne duhet të kemi një kongres pajtimi.

Gjekmarkaj: Komisioni duhet ta çojë PD-në në zgjedhje.

Basha: Dy rrugë ka. Ose rrimë bashkë e bëjmë riorganizim ose ja dorëzojmë Sali Berishës. Synimi Berishës ta marrë PD për tu mbrojtur nga non grata.

Gjekmarkaj: Unë jap dorëheqjen nga posti i nënkryetarit, dua të mbetem deputet i thjeshtë.

Në Kuvendin e organizuar në 18 dhjetor të vitit të kaluar, u formua grupi i Rithemelimit të PD. Ky grupim prej 29 figurash zyrtare të PD, do të merrte nën kontroll drejtimin e partisë Demokratike deri në datën 22 mars të vitit 2022 ku sipas udhëzimeve do të organizohej një tjetër Kuvend Kombëtar i PD për të zgjedhur strukturat drejtuese të partisë.

Ky skenar duket se tashmë është më afër se kurrë realizimit, pasi me humbjen e thellë që PD pësoi në zgjedhjet e pjesshme lokale të 6 marsit edhe deputetët demokratë që mbështesnin Bashën kanë dalë kundër tij, duke i kërkuar që të japë dorëheqjen dhe të lirojë rrugën për një garë brenda PD.