Pavarësisht vendimit të marrë nga kryetarja e kuvendit, Lindita Nikolla për anullimin e mbledhjes së Këshillit të Mandateve, deputetët e opozitës që janë pjesë e këtij këshilli kanë zhvilluar mbledhje dhe kanë mbajtur procesverbal.
Siç shihet edhe në firmat e vendosura, anëtarë të deputetëve të PD në mbledhjen e këshillit të Mandateve kanë qenë: Enkelejd Alibeaj, Gazment Bardhi, Dhurata Çupi, Dashnor Suli dhe Greta Bardeli.
Deputetët e PD nuk kanë pranuar anullimin e mbledhjes së Këshillit të Mandateve duke e konsideruar në kundërshtim me Kodin Zgjedhor.
“Momenti i humbjes së mandatit nga deputeti, konsiderohet momenti kur deputeti deklaron publikisht heqjen dorë nga mandati para Këshillit për Rregulloren, Mandatet dhe Imunitetin. Nëse nuk zbatohet procedura e parashikuar në Kodin Zgjedhor, ligjërisht mandati quhet i pambaruar” thuhet në procesverballin e firmosur nga deputetët e opozitës.
Procesverbali i mbledhjes së deputetëve të PD, anëtarë të Këshillit të Mandateve dhe Rregullores.
Më herët kryeparlamentarja, Lindita Nikolla ka kthyer përgjigjie ndaj kërkesës së bërë nga deputetët e PD-së, ndaj të cilëve sqaron se nuk kishte më objekt shqyrtimi për heqjen e mandatit të deputetit socialist Alqi Bllako, pasi ky i fundit kishte paraqitur dorëheqjen nga mandati në kryesinë e Kuvendit.
https://www.faxweb.al/lajm-i-fundit-anullimi-i-mbledhjes-per-heqjen-e-mandatit-te-bllakos-nikolla-i-kthen-pergjigjie-grupit-parlamentar-te-pd/
