Anëtarja e Komisionit të Rithemelimit Edith Harxhi, ka dhënë sot një deklaratë për mediat nga Korça, ku ka folur në lidhje me zhvillimet brenda PD-së. Harxhi tha se vota është ajo që duhet të vendosë fituesit, dhe çdokush ka të drejtë që të jetë pjesë e garës.
Sipas Harxhit, riorganizimi i brendshëm i PD do të duhet që të bëhet përpara garës së vitit të ardhshëm për zgjedhjet lokale, ku mobilizimi duhet të jetë i lartë.
“Vota është ajo që do të vendosë në fund fare fituesit por ne të gjithë do të jemi fitues për arsye sepse fituesi nuk do të jetë më në bazë të statutit tonë, vetëm një individ, por do të jetë e gjithë anëtarësia e PD dega Korçë.
Ky riorganizim natyrisht i prin organizimit të ardhshëm që do të kemi pas disa muajsh për përgatitjen e primareve për kandidat për kryetar të bashkisë së Korçës. Natyrisht do të jetë një organizim i cili do të vlejë edhe për zgjedhjet e ardhshme.
Për këtë arsye angazhimi i çdo anëtari të degës Korçë dhe bashkimi i anëtarësisë pranë komisionit të rithemelimit do të ishtë ajo çfarë duhej të bëhej për të bërë të mundur një fitore të partisë demokratike së shpejti. E theksoi bashkimi dhe vota janë dy çështjet kryesore për të cilat partia demokratike do nderohet në të ardhmen”, tha Harxhi.
Demokratja ftoi që çdokush të bëhet pjesë e garës për kreun e PD-së në Korçë, ndërkohë që deri tani nuk janë paraqitur kandidatura.
“Deri tani nuk kemi asnjë kandidat zyrtar për postin e kryetarit në degën e Korçës dhe unë ftoj të gjithë anëtarësinë të gjithë ata që përmbushin kriteret që janë vendosur për kandidimin që të bëhen pjesë e këtij procesi.
Pra një anëtar një votë, votimi i gjithë anëtarësisë në mënyrë transparente dhe të pastër do të jetë ajo që do të përcaktojë fituesin. Deri tani nuk ka pasur kandidatë ka pasur vetëm fjalë dhe un nuk do të doja të bazohesha tek fjalët e vogla që janë shumë të bukura për Korçën.
Me këtë rast dëshiroj të bëj një apel kundërshtarëve politikë në Korçë dhe tju them që PD-ja po kthehet fuqishëm dhe të masin forcat me ne së shpejti“, u shpreh Harxhi.
Ndërkohë sa i takon Bashës, ajo tha se dera e PD do të jetë e hapur për këdo, qoftë edhe për të larguarit.
“Lulzim Basha është i dorëhequr pavarësisht se ishte i shkarkuar më parë me Kuvendin e datës 11 dhjetor dhe me votën e anëtarësisë dhe me votën e qytetarëve shqiptarë në datën 6 mars të cilët provuan se kush ishte forca e vërtetë opozitare në vend.
Unë nuk kam asnjë dilemë që Basha do të jetë pjesë e anëtarësisë nqse dëshiron të jetë, dera është e hapur për çdo kënd. Për deputetët, kanë filluar bisedimet, kanë hyrë nëpër panelet tona në grupet tona të punës dhe janë në çdo rast të ftuar sepse janë një trup legjitime e zgjedhur nga vota e shqiptarëve.
Bashkimi vjen vetëm nëpërmjet votës. Dhe në asnjë mënyrë nuk vjen nëpërmjet përçarjes. Dhe kjo votë, ky bashkim bëhet i mundur nëpërmjet frymës që u krijua nga foltoret. Fati është zgjedhje personale kush dëshiron të jetë pjesë e këtij procesi mund të jetë kush nuk ka dëshirë e zgjedh vetë fatin e tij.
Nga info që unë kam mbledhjet e grupit parlamentar do të vazhdojnë po njësoj, bashkimi i anëtarësisë nuk mund të përçahet nga një, dy tre individë”, tha Harxhi, ndërkohë që u pyet nga gazetarët në lidhje me zërat se Lulzim Basha mund të jetë kandidat për president të vendit.
“Komisioni i rithemelimit nuk ka diskutuar asnjë kandidaturë dhe aq më tepër kandidaturën e Luzim Bashës nuk e mendoj që është një objekt diskutimi për komisioni, objekti i vetëm i diskutimit është vetëm riorganizimi dhe zgjedhjet e të gjitha strukturave dhe kuvendi i datës 30 prill ku do të dalë këshilli i ri kombetar, kryesia e re e PD dhe gjithë forumet e tjera. Sa i përket kandidaturës së Lulzim Bashës për president unë preferoj të mos merrem me shaka të tilla”, ishte përgjigja e Harxhit.
Sa i takon kushtit të Enkelejd Alibeaj, për negociata dhe bashkim me kushtin që Berisha të mos jetë pjesë e garës për kreun e PD, Harxhi dha këtë përgjigje:
Nuk ka negociata, unë me gjithë respektin që kam për zotin Alibeaj që un e njof shumë herët në PD, mendoj që zoti Alibeaj vetë duke qënë se vjen nga një shtresë të persekutuarisht në Shqipëri, mendoj që ai duhet ta kuptojë shumë mirë që liria dhe vota e lirë janë ato që përcaktojnë në çdo moment të ardhmen e një institucioni politik, institucion kushtetues siç është dhe partia demokratike në këtë rast dhe partia e parë antikomuniste në Shqipëri.
Mendoj që nuk mund të ketë asnjë lloj bashkimi dhe asnjë lloj negociate me kushte. Demokratët i kanë mbyllur kushtet përfundimisht, kanë 9 vjet që punojnë me kushte dhe këto kushte nuk vlejnë më.
(E.K/Faxweb.al)
