Ish-kryeministri Sali Berisha ka folur menjëherë pas mbledhjes së Komisionit të Rithemelimit në selinë blu.
Berisha u pyet nga gazetarët në lidhje me presidentin e ri të vendit si edhe për lajmet se ambasadorja amerikane në vendin tonë Yuri Kim i ka dërguar një person në zyrë për të nëgociuar në lidhje me kryetarin e ri të PD.
Berisha tha se Partia Demokratike nuk do të pranojë asnjë propozim që mund të vijë nga kryeministri Edi Rama.
Berisha shtoi se nuk lejon askënd që të ndërhyjë në çështjen e kryetarit dhe punëve të brendshme të partisë.
Berisha: Linja politika është e qartë , kundërshtari ynë është Rama. Nëse do të propozojë për presidentin e ri dhe se cili do të jetë qëndrimi do merret vendimi nga organet më të larta.
PD si opozitë e vërtetë nuk pranon asnjë propozim të Edi Ramës. Në se Rama vendos që presidentin ta propozojë PD ose opozita atëherë do të nisim konsultimet me institucionet e PD.
Jo nuk ka person, është një person privat, nuk pranoj kurrë ndërhyrje për cështjet e kryetarit dhe punët e bredshme të partisë, e kam faktuar se nuk pranojë ndërhyrje nga kërrkush.
