Gazetarja e ‘Fax News’ Lusi Përgjegji tha në studion e emisionit ‘Të Vaksinuarit’ se vizita e Ramës në Gjermani nuk prodhoi ndonjë lajm të madh dhe se kancelari Scholz është në të njëjtën linjë sa i takon qëndrimit ndaj ‘Ballkanit të Hapur’.
Përgjegji u shpreh po ashtu se deklaratat e Ramës nuk janë surprizuese referuar faktit se ai ka thënë se ka mbështetjen e 60% të shqiptarëve për këtë proces e ndërsa një nismë e tillë nuk ‘përqafohet’ nga Gjermania.
Pjesë nga studio:
Pyetje: Çfarë kuptove ti nga vizita e Ramës në Berlin?
Përgjegji: Njohja e patentave nuk ishte risi, sepse ishte deklaruar para një muaji dhe thjesht u finalizua. Vizita atje dhe takimi me Scholz nuk prodhoi një lajm të madh, sepse edhe procesi i anëtarësimit në BE ka kohë. Kancelari i ri gjerman do jetë në të njëjtën linjë me Merkel, aii u pyet për Open Ballkan dhe ai u shpreh se cdo nismë gjithëpërfshirëse është e mirëpritur që nënkupton se nuk mbështetet sepse nuk është e tillë si nismë.
-Scholz nuk e mbështet ‘Open Ballkan’, ndërkohë që Rama thotë se ka mbështetjen e shqiptarëve, si ti shohim këto deklarata?
Përgjegji: Nuk është hera e parë që Rama deklaron gjëra të tilla se dhe për raporte të tjera thotë se janë të vitit të kaluar, siç reagoi për raportin e DASH.
Discussion about this post