Në episodin e radhës të ‘The Kardashians’, Kim foli rreth ndarjes së saj me reperin e “Praise God”, duke përfshirë qëndrimet e tyre shumë të ndryshme për ndarjen. Kim zbuloi se ajo i kërkon Ye gjatë gjithë kohës të nënshkruajë dokumentet e divorcit, por reperi nuk dëshironte divorc, gjë që e ka zgjatur procesin.
Kim theksoi standardin e dyfishtë që ka përjetuar gjatë procesit të ndarjes. “Nëse bëj diçka në një reality show, thonë të gjithë: “Si guxon të flasë për këtë”, tha ajo gjatë rrëfimit. “Dhe pastaj ai mund të bëjë një këngë, por kjo është kaq kreative dhe ekspresive. Gjithmonë duket sikur janë dy anë të ndryshme po shprehen në dy mënyra të ndryshme, dhe njëra respektohet e tjetra jo.”
Pavarësisht kritikave, Kim i tha motrës Kourtney Kardashian se ajo është shumë e sigurt tani për divorcin.“E dija se duhej bërë kur e dorëzova. “Sepse e dija se nuk ishte situata e duhur për mua. Dhe tani, ndihem shumë mirë”- tha ajo.
Siç theksoi Kourtney, ndarja e ka detyruar Kim të gjejë identitetin e saj jashtë ‘Kimye’. Duke qenë dakord me këtë, Kim pranoi: “Arrita në një pikë ku do t’i kërkoja këshilla për gjithçka, deri në atë që vesh. Edhe tani, po përjetoj sulme paniku si: “Çfarë të vesh?”.
Kim konfirmoi ndarjen e saj nga Kanye kur paraqiti kërkesën për divorc në shkurt 2021. Ylli, që tani është në lidhje me komedianin e Saturday Night Live, Pete Davidson, u shpall ligjërisht beqar në vitin 2022.
Në dokumentet gjyqësore, Kim deklaroi: “Ndërsa do të doja që martesa jonë të kishte sukses, kam kuptuar se nuk ka asnjë mënyrë për të riparuar martesën tonë. Kanye nuk është dakord, por të paktën duket se ai ka arritur të kuptojë se unë dua t’i jap fund martesës sonë, edhe nëse ai nuk e bën.”
