Depoja me arsenal armësh të Liqeni i Thatë, gjykata lë në burg 27-vjeçarin, ja dëshmia e të riut

Gjykata e Tiranës ka lënë në burg 27-vjeçarin Eno Papa, të cilit iu zbulua një depo me arsenal armësh.

Në sajë të operacionit “Silent 2” tre ditë më parë në një magazinë të marrë me qera pak kohë më parë nga Eno Papa, policia sekuestroi 2 snajpera, 4 kallashnikov, 2 armë automatike, 4 pistoleta me silenciator, tre kallëpe tritoli.

Referuar dosjes, armët e gjetura në garazhin tek Liqeni i Thatë janë zbuluar pas kqyrjes së telefonit të Dorian Kalos.

Mësohet se në telefonin e tij është gjetur nje foto e garazhit e pas kontrollit është zbuluar edhe arsenali i armëve pjesa e të cilëve ishin të sofistikuara.

I arrestuari është shprehur se garazhin e ka marrë për një mikun e tij për të futur makinën duke mohuar se ka pas dijeni se cfarë kishte brënda garazhit.

Ndërkohë hetimet vijojnë pasi dyshohet se pas këtyre armëve fshihet një grup kriminal. Gjithashtu 27-vjeçari mohonn të ketë lidhje me Kalon apo se ka njohje me të.