Në fotot dhe videot e mëposhtme do të shihni qindra emigrantë që duan të kalojnë kufirin Marok-Spanjë për të ndjekur ëndrrën e tyre për një jetë më të mirë në Europë.
Aty shihen dhjetëra të plagosur që kanë rënë përtokë njëri mbi tjetrin, ndërsa shumë vdiqën të pafuqishëm dhe prej mungesës së ushqimit. Ata janë thuajse mbi njëri-tjetrin në tokë, shumë kanë gjakderdhje, të tjerët janë rëndë, ndërsa disa nuk japin shenja jete dhe midis tyre qëndrojnë oficerët e policisë marokene.
Sipas raportimeve në media janë të paktën 23 persona të vrarë dhe dhjetëra të plagosur, nga përpjekja e mijëra emigrantëve për të kaluar kufirin në enklavën e Melillas gjatë të premtes.
Organizatat humanitare në Marok ankohen se të plagosurit kanë mbetur të pafuqishëm për orë të tëra, duke shkaktuar shumë vdekje.
Autoritetet marokene pretendojnë se emigrantët u përpoqën të kalonin gardhin dhe të shkonin në Melilla, ndaj nga përpjekja e turmës u shkelën, ndërsa të tjerë ranë duke ngjitur gardhin , i cili ruhet rreptësisht.
Megjithatë, nuk mungojnë kritikat për dhunën e tepruar . Videot tregojnë rojet marokene duke tërhequr me forcë të plagosur ose goditur njerëz.
Nga ana e tij, kryeministri i Spanjës, Pedro Sanchez, i cilësoi ngjarjet si “sulm ndaj integritetit territorial” dhe fajësoi trafikantët e qenieve njerëzore. Autoritetet spanjolle pretendojnë se emigrantët kishin shkopinj, thika dhe acid me të cilat sulmuan rojet.
Inhumane
PM @sanchezcastejon condemned the attempted mass crossing, called it an attack on Spain ?? “territorial integrity”, bragged Spanish security forces had worked with their Moroccan ?? counterparts to fight off “a well-organized, violent assault”https://t.co/fKOTzXE5XW https://t.co/gGXxgHvci9 pic.twitter.com/A6G97FYveE
— Saad Abedine ???? (@SaadAbedine) June 25, 2022
