Një i ri nga Durrësi bëri thirrje qytetarëve shqiptarë që të rikthejnë shpresën duke protestuar. Ai tha nga podium se po proteston sot për rritjen e çmimeve, për banorët e frikësuar të Porto Romanos dhe për gjithë Durrësin e ‘pushtuar’ nga mafia.
I riu nga Durrësi: Kjo qeveri duhet dridhur nga frika, kam vendosur ta ndërtoj të ardhmen time këtu në Shqipëri, po protestoj për qytetin tim, për Durrësin sepse e ka pushtuar mafia e Vangjush Dakos. Po protestoj për banorët e Porto Romanos që jetojnë me frikë nga bombolat e gazit, për rritjen e çmimeve.
Është e vështirë të gjesh shpresë në shqipëri por duhet ta rikthejmë, për një të ardhme me të mirë e për jetë dinjitoze.
Të ketë meritokraci, të gjithë të bashkuar do ja dalim, fitore!
Po ashtu një gjimnazist bëri thirrje ndaj prindërve shqiptarë që të ngrihen kundër këtij regjimi monist në mënyrë që të mos qajnë më për fëmijët që u ikin në emigracion.
Gjimnazisti: Unë po mendoj të largohem nga vendi për arsimimin e lartë, kam thirrje të ngrihemi kundër regjimit monist, që të reshtin lotët tuaj për fëmijët larg atdheut. Arsimi shqiptar është zhytur si mos më keq, fund e krye në korrupsion, një uragan madhështor sot në këtë shtet ka vendosur ti prijë ndryshimit të Shqipërisë. Dua tju them ca fjalë zemre, cdo i ri sot ka dy rrugë ose të largohet ose të ulë kokën me 300 mijë lekë rrogë. Kam vendosur që të shpëtoj nga ky sistem i qelbur, nuk qenkam vetëm, faleminderit! Ky burrë bën ndryshimin, doktor priji ndryshimit!
Discussion about this post