Në takimin me kryebashkiakët socialistë në Pogradec, ku listoi bashkitë problematike dhe shembullore sa i takon pastërtisë, Edi Rama tha sde vitin e ardhshëm nuk do të hapet asnjë hotel që derdh ujërat e zeza në det, pa i filtruar.
“Është e papranueshme që ujërat e Shqipërisë të ndoten nga ujërat e zeza të shqiptarëve. Asnjë hotel nuk do të hapet vitin e ardhshëm nëse nuk do të ketë bërë filtrimin e ujërave”, tha Rama.
Një tjetër problematikë, ku u ndal kreu i qeverisë, ishte dhe situata financiare e bashkive, si dhe problematikat me drejtues të institucioneve. Rama tha se është e papranueshme, që drejtorë poste apo hipotekash të zhvasin qytetarët dhe kryetarët e bashkive të mos e dinë se çfarë ndodh në territorin e tyre.
“Si i bëhet me borxhet që kanë bashkitë, edhe në këtë proces kemi bërë përmirësime, nuk kemi ne arsye që të kemi bashki të shkëlqyera, të mira, dhe më pas problematike, të gjithë duhet të jenë të mirë. Të gjejnë një mesatare të artë, kjo është A-ja, raporti me qytetarët është baza, çfarë vlere ka që të shkosh te qytetari në fushatë, dhe ti thuash, je me mua, je i imi, ti duhet të garantosh që ka zyrtarë, që themeli të jetë shërbimi ndaj qytetarëve.
Ti si kryebashkiak duhet të jesh vigjilentë, edhe ndaj zyrtarëve të partisë, që lënë nam. Nëse je kryetar bashkie duhet të jesh avokati numër 1 i qytetarëve të tu, nga të gjithë ata që vijnë vërdallë me funksione shtetërore, ti duhet ti dalësh përballë dhe ti thuash, që ti nuk duhet të jesh më kryetar hipoteke, o ti o unë.
Pse nuk e di kryetari i bashkisë kur posta bën zullume me pensionistët, dakord kryetari i Bashkisë së Tiranës nuk ka nga i di të gjitha, si mund të pranojë kryetari i bashkisë, që posta në x vend apo në y vend, të lozë me pensionet.
E deri kur më në fund pensionet nuk do të jenë me me cash, kush do ti mbrojë këto, nga disa grabitqarë që meritojnë të jenë vetëm në një vend, dhe kjo nuk ndodh vetëm në zyrat e postës”, u shpreh Rama.
(E.K/Faxweb.al)
Discussion about this post