Atentati i së premtes në Laç, ku humbi jetën Klisman Preçi, u plagos Ylli Brahimi ka ndodhur në një kohë prej rreth 3 minutash. Ndërkohë drejt dy objektivave është qëlluar ne intensitet të lartë, ku drejt fouristradës së blinduar janë derdhur 4 karikatorë. Referuar pamjeve filmike të kqyrura nga grupi hetimor, si viktima dhe i plagosuri kanë qenë në automjet kur janë qëlluar nga autorët.
Në momentin kur është qëlluar me breshëri drejt blindit, Klisman Preçi ka zbritur nga blindi dhe ka tentuar të largohet me shpejtësi prej aty, por breshëria e kallashnikovit i ka marrë atij jetën. Burime shumë të sigurta nga grupi hetimor bëjnë me dije se gjatë të shtënave edhe Ylli Brahimi, ka tentuar të dalë nga blindi, ku ishte si pasagjer, ku si pasojë ka marrë dy plumba, një në bark e një në këmbë.
I gjendur në këtë sistuatë, 46-vjeçari ka hyrë menjëherë në automjet, duke dalë nga atentati vetëm i plagosur, pasi tashmë ai e ka kaluar rrezikun për jetën.Sipas informacioneve, plumbat nuk kanë depërtuar brenda makinës së blinduar, dhe nëse viktima e i plagosuri n nuk do tentonin të largohenin, mund të mos kishim pasoja në jetë. Ndërkohë që hetimet vijojnë lidhur me ngjarjen.
Të gjitha kamerat e sigurisë të sekuestruara në zonë dhe në biznese nga ku mendohet se kanë ardhur e janë larguar autoret tashmë ndodhen në kryeqytet, ku po kqyren nga një grup I specializuar.
Policia në bashkëounim me prokurorinë vijojnë të mbledhin prova, për të çuar në zbulimin e autorëve. Ndërkohë sipas burimeve të gjitha dëshmitë e marra deri më tani, nuk i kanë ndihmuar hetuesit për te rënë në gjurmet e autorëve. Edhe amër e gjetura në makinën e autirëve janë dërguar në laboratorin e kriminalistikës por sipas burimeve nuk ëhtë përfituar asnjë e dhënë që mund të ndihmojë në identifikimin e autorëve.
Discussion about this post