Gazetarja Juela Meçani foli sot në studion e “Fax News” për ngjarjen tragjike të Himarës ku mbeti e vrarë një vogëlushe 7-vjeçare.
Meçani u shpreh se këtë verë ka qenë dëshmitare e numrit të lartë të mjeteve lundruese në jug të vendit, që kanë performuar shumë pranë bregut dhe se denoncimet e turistëve nuk janë marrë parasysh nga policia e shtetit.
“Është aq e rëndë sa unë jam rezervuar që të shprehem, sidomos kur je prind. Sikur ai mjet ishte drejtuar nga kushdo, ngjarja rëndohet kur ai skaf drejtohej nga një efektiv i lartë të policisë. Këtë verë, kam ndjerë një rritje të madhe të këtyre mjeteve lundruese, janë shtuar lëvizjet e lirshme pranë bregut.
Kalonin gjysëm metër afër, kjo gjë ka ndodhur gjatë gjithë kësaj vere. Kryeministri po flet për një verë të shkëlqyer dhe kontrolle të shtuara, edhe ministrja e turizmit. Kam qenë dëshmitare kur turistët denonconin raste të tilla, policia vinte e…Është ngjarje e pastër korruptive, mardhënëia subjekt turistik-polici shteti apo drejtuesit lokalë, kanë një bashkëpunim të heshtur, ka korrupsion në mes. E vërteta është se në cdo vend tjetër kjo situatë tragjike duhet të kishte pasur shkarkime të një niveli shumë të lartë.Këtu dorëheqjet jepen vetëm kur SPAKU merret me ta, këta nuk ndjejnë asnjë përgjegjësi mbi veten”-u shpreh Meçani.
Discussion about this post