Presidenti Bajram Begaj ka reaguar lidhur me vdekjen e piktorit të njohur Sali Shijaku, duke u shprehu se gjithmonë do ishte “nderi i kombit”.
Nëpërmjet një postimi në facebook, Begaj u shprehu ngushëllimet familjarëve të piktorit të ndjerë.
“Mësova me dhimbje lajmin e trishtë për ndarjen nga jeta të “Piktorit të Popullit” Sali Shijaku, i cili me emrin dhe veprën e tij prej artisti të madh dhe qytetari e intelektuali të angazhuar dhe atdhetar, do të mbetet përjetësisht “Nderi i Kombit. Ndaj sot, duke iu shprehur ngushëllimet e mia më të ndjera, familjes së piktorit të madh dhe gjithë të afërmve të tij, por edhe komunitetit të artistëve shqiptarë, jam pranë tyre në këto çaste dhimbjeje të madhe. Lamtumirë artisti ynë i madh Sali Shijaku”, shkruan Begaj.
