“Nuk po e bëjmë për bujari”, Borrell: Mbështetja për Ukrainën bëhet për sigurinë e BE-së

“Lufta nuk mund të përfundojë sepse ne jemi të lodhur duke mbështetur Ukrainën, kjo nuk mund të jetë arsyeja, ne duhet t’i shpjegojmë opinionit publik se mbështetja jonë nuk është çështje bujarie, por është për interesin tonë dhe sigurinë tonë. Po. është një punë e nevojshme e pedagogjisë politike”.

Kështu ka deklaruar Përfaqësuesi i Lartë i BE-së, Josep Borrell , në kongresin e socialistëve europianë që po zhvillohet në Berlin, shkruan la repubblica.

“Mbështetja jonë për Ukrainën ka qenë e rëndësishme, ne do të vazhdojmë ta mbështesim Ukrainën ushtarakisht dhe do ta bëjmë atë për aq kohë sa të jetë e nevojshme”, përfundoi Borrell.