Kreu i Partisë Demokristiane Nard Ndoka foli sot në studion e ‘Fax News’ për çështjen më të diskutuar të momentit që është projekti për Portin e Durrësit.
Ndoka tha se sot parlamenti duhet ta anulonte në mënyrë unanime këtë projektbuxhet pasi fakti që BE ka reaguar me mos financim është ‘këmbanë alarmi’ për Shqipërinë.
“Një qeveri e përgjegjshme e kryeministër i tillë do pasonte me një parlament që në këtë rast do pezullonte totalisht diskutimet e projektit. Kur BE anulon një fond të tillë për portin gjërat e tjera janë tentative për korrupsion, është e qartë anulimi sepse ka hije dyshimi për afera korruptive dhe s’ka transparence. Investitori nga bota arabe është shqetësim për europianët, jemi para një reagimi institucional, është këmbanë alarmi dhe ky proces duhet të hetohet. Qeveri me transparencë 0, ka tentativa për ta blerë opozitën, në këtë aferë duken qartë gjurmët e Lulzim Bashës. Kjo i zhyt në batak, habitem me deputetët socialist, ok e mbështesin qeverinë por kur kuptohet se qytetarët po dhunohen në mënyrë mafioze nga kjo qeveri”-u shpreh Ndoka.
Lidhur me protestën e 6 dhjetorit, Ndoka u shpreh se është data më e ‘gjetur’ në historinë e protestave në Shqipëri, duke theksuar se nuk përbën absolutisht një imazh të keq për vendin pasi nuk do ketë skena dhune por ekspozim të problemeve të mëdha të këtij vendi ndaj liderëve europianë.
(E.D/faxweb.al)
Discussion about this post