Kryetari i Partisë Demokratike, Sali Berisha në takim me banorët e njësisë nr.2 në Tiranë ftoi qytetarët që nesër të dalin në shesh për të protestuar kundër qeverisë Rama.
Ai u shpreh se nesër në Tiranë janë mbi 1000 gazetarë, ndërsa tha se shqiptarët protestojnë kundër një njeriu dhe ai është kryeministri i Shqipërisë.
“Të dalim nesër në shesh për të ngritur zërin tonë. Nesër në Tiranë janë mbi 1000 gazetarë, janë shtetarët më të lartë të BE dhe Ballkanit Perëndimor. Normalisht, si parti që kemi përmbysur Partinë Komuniste, si parti lokomotive e proceseve integruese, ne normalisht duhet të ishim të gjithë në festë, por ajo është protestë dhe jo festë. Aty bashkë me ta ulet një njeri, karrigia e të cilit qëndron mbi vjedhjen e votës së qytetarëve shqiptarë. Aty qëndron njeriu, i cili me politikat që ndjek është shkaku direkt i shpopullimit të Shqipërisë”, tha ai.
