Është vënë në pranga i shumëkërkuari nga policia e Shkodrës ditën e sotme Kristian Lacuku për kultivim droge dhe armëmbajtje pa leje.
Bëhët e ditur se 31-vjeçarit Kristian Lacuku iu sekuastrua 12 kg lëndë narkotike armë zjarri dhe municion luftarak.
Blutë e Shkodrës pasi kanë vënë në pranga 31 vjeçarin kanë shpllur në kërkim shtetasin me iniciale F.T.
Njoftimi i Policisë:
Shkodër/Punë lokalizuese, mbështetur nga inteligjenca informative, për kapjen e shtetasve të shpallur në kërkim.
I dënuar me mbi 4 vjet burgim, pasi iu gjetën në banesë, drogë dhe armë, lokalizohet dhe vihet në pranga 31-vjeçari.
Shërbimet e Komisariatit të Policisë Shkodër, të mbështetura nga inteligjenca informative, mbi vendndodhjen e një shtetasi të kërkuar, menjëherë kanë organizuar punën, kanë lokalizuar, kapur dhe vënë në pranga shtetasin e shpallur në kërkim:
Kristian Lacuku, 31 vjeç, banues në fshatin Berdicë, Shkodër. Gjykata e Apelit Shkodër, me vendimin e datës 04.02.2022, e ka dënuar 31-vjeçarin, me 4 vjet e 8 muaj burgim, për veprat penale “Prodhimi dhe shitja e narkotikëve”, kryer në bashkëpunim dhe “Mbajtja pa leje e armëve, armëve shpërthyese dhe e municionit”.
Në kuadër të operacionit “New start”, të zhvilluar në vitin 2016, në banesat e shtetasve Kristian Lacuku dhe F. T. (ende në kërkim nga shërbimet e Policisë), u gjetën dhe u sekuestruan rreth 12 kg lëndë narkotike kanabis, një armë zjarri dhe municion luftarak.
Materialet i kaluan Prokurorisë pranë Gjykatës së Rrethit Gjyqësor Shkodër, për veprime të mëtejshme.
