Gjatë mbledhjes së ditës së sotme me mediat, Berisha u ndal për të folur për koalicionin me Ilir Metën dhe partitë e tjera ku u shpreh se fokusi i fushatës së tyre do të jetë mbështetja e kandidatëve lokal dhe problematikave të qytetarëve.
Berisha: Fushata lokale është lokale, Unë, Meta, Dule, Ndoka do të mbështesim kandidatët nga të katër anët e vendit. Por gjithnjë fushatën lokale që e bëjnë kandidatët ka edhe një fushatë që e bëjnë drejtuesit e partive dhe këtë herë fushata është jetike sepse kemi të bëjmë me një betejë historike në përmbysjen e monizmit. Të tjerat janë shpikje. Kandidatët presim me padurim mbështetjen e fuqishme të Berishës dhe PD. Sali Berisha nuk udhëheq asnjë fushatë lokale. Nëse udhëheqja e partisë në fushatën politike është e detyruar të zbërthejë politikat antishqiptare të Ramës, kandidatët e PD janë të detyruar të merren me qytetarët dhe hallin e tyre. Fushata e kryetarit të bashkisë është fushatë që ka për target bashkëbisedimin me qytetarin dhe program përzgjidhet nga halli i tij. Kandidatët e Partisë Demokratike do merren me qyetatët, kohën e tyre do e përdorin për të shpjeguar programin politik tek ta. Fushata e kryetarit të bashkisë ka si target të merret me problatikat qytetare.
Berisha ka folur për emërimin e Alibejt si kryetar të Partisë Demokratike.
Berisha: Të shpallësh kryetar atë që nuk është do të thotë të pranosh të emëruarin e Edi Ramës, është shkelur çdo normë e këtij vendi, I këtij shteti apo narko shteti. Të pretendosh se Alibeaj që nuk është votuar kurrë dhe e ka shndërruar vetën një peng të Ramës, kjo do të thotë të kthehesh te opozita e emëruar. Nuk ka asnjë vendim gjykatë në absolute , që Enkelejd Alibeaj është kryetar partie. Ka një vendim gjykate që është ën fuqi akoma derisa të zbardhet vendimi që Sali Berisha është kryetar partie. Por tmerri që ka Rama dhe që mendon se nëpërmjet Alibashës dhe Bravës do të mund të shpëtojë në 14 maj. Për Alibeajn nuk ka asnjë vendim gjykate në këtë shtet. Por ky është një pseudoshtet. Por dihet që është vegël i kapur peng në krim nga Edi Rama. Basha Alibrava nuk kanë lidhje me PD, janë të dy pengje të Ramës dhe Rama i përdor.
Lidhur me financimet gjatë fushatës politike, Berisha u shpreh se në arkën e partsië kanë bërritur vetëm 25 mijë euro nga dhurimet e kandidatëve dhe nuk ka asnjë transfertë të dyshimtë.
Berisha: Në arkën e partisë demokratike ka 25,000 euro që janë dërguar nga nënpunësit dhe kandidatët tanë. Nuk ka asnjë financim tjetër. Të tjerët kanë financime ruse dhe të dyshimta. A i kanë respektuar ligjet e transfertës së parave, a janë të pastërta paratë e tyre, a janë legale? Këto duhet të hetohen nga institucionet përkatëse. Ata që kanë shkruar raportin e dinë më mirë.
Discussion about this post