Një aksident i rëndë është shënuar mbrëmjen e sotme në hyrje të qytetit të Poliçanit, në Berat.
Një mjet ka dalë nga rruga dhe ka rënë nga një lartësi, duke përfunduar në një fat tragjik për një nga personat në mjet.
Si pasojë e aksidentit raportohet se 1 person ka humbur jetën dhe 3 të tjerë janë plagosur rëndë.
Sipas burimeve, mes të plagosurve është edhe një vajzë 14-vjeçare.
Viktima dhe të plagosurit janë transportuar për në Spitalin Rajonal të Beratit.
Ende nuk dihet shaku zyrtar i aksidentit, ndërkohë që policia dhe ambulanca kanë mbërritur në vendngjarje.
Njoftimi i Policisë:
Berat/Informacion paraprak
Në rrugën rurale të fshatit Plirëz, Poliçan shtetasi F.Z., 15 vjeç, duke drejtuar mjetin tip “Alfa Romeo”, ka humbur kontrollin mbi mjetin dhe për pasojë mjeti ka dalë nga rruga.
Si pasojë ka humbur jetën shtetasi A.Z (pasagjerë në mjet) rreth 15 vjeç si dhe janë dëmtuar shtetasi F.Z (drejtues mjeti), dhe dy shtetase të tjera të mitura që ndodheshin në mjet.
Të dëmtuarit janë transportuar në spital dhe ndodhen nën kujdesin e mjekëve.
Grupi hetimor po punon për përcaktimin e shkaqeve të aksidentit.
