“Këlliçi ka sjellë një frymë të re bashkimi”, Arben Tafaj për garën elektorale në Tiranë: Kjo fushatë ka qenë atipike në krahasim me të tjerat

I ftuar ditën e sotme në studion e FaxNews ishte Arben Tafaj, kandidat për anëtar në Këshillin Bashkiak të Tiranës, por edhe Kryetar i Shoqatës ‘Tirona’.

Tafaj u ndal të fliste për zgjedhjet lokale të 14 majit, ku u shpreh kjo fushatë edhe pse i është dukur disi atipike, ka qenë e suksesshme për disa faktorë, ndër to edhe nurmi i madh i kandidatëve që garojnë për kryebashkiak këto zgjedhje.

“Kjo ka qenë një fushatë disi atipike, në raport më fushtata që kemi lenë pas. Kam vite që merrem me fushatat, dhe shoh që kjo fushatë ka diçka shumë të veçantë, po vjen gjitmonë e në rritje. Kjo fushatë po ecën aq mirë sepse çdo ditë po bëhen hapa të reja, çdo ditë rritete numri i njerëzve që përkah alterantivën e zotit Këlliçi. Roli im në këtë fushatë është një angazhim i dyfishtë, kjo fal eksperiencës sime gjithë këto vite, por edhe si Kryetari Njësisë Nr. 8 prej 3 mandatesh. Ne si shoqatë kemi bërë edhe një marrëveshje, si tip mbështetje për zotin Këlliçi. Jam shumë i lumtur që Tirana ka shumë kandidatë në lista për këto zgjedhje, por nga ana tjetër shoh një harmonizim të kandidatëve që vijë nga parti të ndryshme.”, u shpreh Tafaj.

Lidhur me kandidaturën e tij për anëtar në Këshillin Bashkiak të Tiranës, Tafaj u shpreh se është pritur mjaftë mirë jo vetëm nga banorët dhe mbështetasit e tij, por edhe nga vetë shoqata ‘Tirona’.

“Kandidatura ime është pritur mirë, kjo sepse edhe shoqata ‘Tirona’ është një shoqatë elitare, përmbledh intelektual, njerëz të arsimit, sportistë, njerëz që kanë njëfarë performance shoqerore. Shoqata ‘Tirona’ është përfshirë institucionalisht në këto zgjdhje, përtë arritur edhe objektivat që prej vitesh ne kemi dashur të shprehim nëpërmjet mediave.”, vazhdoi kreu i shoqatës ‘Tirona’.

Sakaq, Tafaj u ndal të fliste edhe për takimet elektorale që ka zhvilluar deri tani ku i cilësoi problematikat e qytetarëve të Tiranës si themelore për ndërtimin e fushatës, pa pasur parasysh se ku ndodhen në Tiranë, apo edhe statusit të tyre social-ekonomik.

“Kam pasur mundësinë të jem gjithandej nëpër Tiranë, dhe duke takuar vazhdimisht qytetarët kam arritur të identifikojë disa nga problematikat e tyre kryesore. Përveç pjesës ‘qytetase’ ku ndodhem vazhdimisht, kam pasur kontakte dhe takime të vazhdueshme dhe me periferinë e Tiranës, kërkesat dhe problematikat e të cilëve ndryshojnë nga pjesa tjetër e qytetit për shumë arsye, por që janë po aq të rëndësishem për t’u dëgjuar.”  , tha Tafaj.