Ka dështuar edhe sot përballja në Gjykatën e Posaçme ndërmjet dy politikanëve, ish-kryeministrit Sali Berisha dhe kryetarit të Bashkisë së Tiranës, Erion Veliaj. Ky i fundit e ka paditur Berishën për shpifje sa i takon akuzave për inceneratorët, dhe financimeve nga Irani, ndërkohë që në seancën e sotëm të pranishëm kanë qenë vetë avokatët.
Në seancë nuk ka ndodhur asnjë pajtim mes palëve, dhe përballja e radhës është caktuar në datën 2 Qershor. Pak ditë më parë Veliaj do të deklaronte se nëse nuk paraqitej në Gjykatën e Posaçme, Berisha do të shoqërohej me forcë nga ana e policisë.
Berisha ka pretenduar se Veliaj është i vetmi politikan shqiptar që ka vizituar Iranin, ndërkohë që sipas socialistit, fotot që iu referohej Berisha nuk ishin të kryebashkiakut të Tiranës por të një kitaristi amerikan.
Veliaj i ka konsideruar akuzat e bëra nga Berisha si të pavërteta për këtë arsye e ka paditur me akuzën për shpifje.
“Ju tregoj unë histori me Iranin. Personi që ka bërë vizita të përsëritura është Erion Veliaj. Ke qenë ti apo jo, nuk e di? Por ai ka qenë në Iran dhe ka bërë shqetësim për vendet partnere. Veliaj është marrë dhe në pyetje. Shkuarja e tij në Iran ka ngjallur shqetësim të ata që e kanë diktuar dhe na kanë njoftuar ne. Në 2008 ma sollën lajmin shërbimet, është pyetur për vizitën e tij në Iran. Problem është se pas këtyre viteve dalin Bruno Presezzi, pronari 80 përqind i inceneratorit të Tiranës i lidhur me Ali Aliahbadin, ish-komandon e Pasdaranit”, ka thënë më herët Berisha.
Discussion about this post