“Diplomacia ekonomike është një instrument”, eksperti: Shteti e përdor për 2 arsye, ne kemi një diasporë shumë të fuqishme jashtë

Sot në emisionin EkoFax nga Mirilda Tili u diskutua për diplomacinë ekonomike dhe se sa interesant është vendi ynë për investimet e huaja.

Geron Kamberi, ekspert i politikave të integrimit tha se diplomacia ekonomike ka shoqëruar çdo shtet, pavarësisht sistemit që ka pasur.

Ai shtoi se diplomacia e ekonomike është një instrument që përdoret për dy arsye, rritjen e eksporteve shqiptare në tregjet e tjera dhe thithja e investimeve.

Kamberi: Ku flasim për diplomaci ekonomike, flasim për një instrument që shteti shqiptar kërkon ta përdor për dy arsye, së pari të bëjë të mundur rritjen e eksporteve shqiptare drejt tregjeve të tjera, për të thithur investime, qoftë nga burimet e diasporës.

Unë besoj që ka rëndësi kush janë institucionet që mund ta ushtrojnë këtë instrument. Kur flasim për termin diplomaci menjehere të shkon mendja te Ministria e Jashtme. Atje ka një drejtori sic u përmend, ka një zv ministër i posacëm për të nxitur aspektin e diplomacisë ekonomike nëpermjet kontakteve, forumeve të mëdhaja të biznesit. Ky është një instrument. Rrjeti jonë i misioneve diplomatike jashtë vendit është ai do ekzekutojë këtë vizon të diplomacisë ekonomike.

Këtu hymë në debat se cfarë kapacitetesh kanë misionet tona diplomatike, mund të kemi ambasada me 2 persona në staf.

Ne kemi një diasporë shumë të fuqishme jashtë dhe individë të huaj që e duan shumë Shqipërinë, që mund të bëjnë të mundur prezantimin e potencialeve që ka vendi ynë.