70 gra punonjëse të një fasonerie private në Fier, janë ngritur sërish në protestë mëngjesin e kësaj të hëne pasi prej më shumë se dy muajve nuk kanë marrë pagat.
Punën ua kam bërë në maksimum. Rrija deri në 7 të darkës. I rrinim dhe tani ne duam lekët. Edhe në gjykatë do t’i hedhim, kam 900 mijë lekë pa marrë. Jam pa punë,” tha një punonjëse.
Ato kanë ngritur shqetësimin se prej gushtit të vitit të kaluar kanë pasur vonesa të vazhdueshme të pagave, por dy muajt e fundit nuk janë paguar farë. Të ndodhura në vështirësi ekonomike familjare, punonjëset e larguara nga puna kanë kërkuar njëherazi ndërhyrjen e institucioneve shtetërore për zgjidhjen e kësaj situate, teksa kanë theksuar se deri me tani kjo kërkesë e tyre ka rënë në vesh të shurdhër.“
Kemi vajtur tek Zyra e punës prej muajit prill. Nuk na kanë dhënë përgjigje, na kanë thënë që ta ndjekim në gjykatë por ne nuk kemi mundësi ekonomike” , thotë një nga gratë punonjëse
Bashkëpronari shqiptar Erion Tahiraj, i cili sipas punonjëseve, është administrator i fasonerisë turke, u ka premtuar se do tu japë pagat e prapambetura gjë që deri më sot nuk ka ndodhur.
Protestës së grave i është bashkuar dhe përfaqësuesi i sindikatës së punëtorëve të fasonerive, Alfred Bushi i cili është shprehur se është e pajustifikueshme inekzistenca e shtetit në këtë situatë dhe se këto punonjëse duhet të fitojnë të drejtat e tyre.
Ndërkohë punonjëset pohojnë se pas protestës së tyre askush nuk i ka kontaktuar teksa shprehen të vendosura për ti shkuar deri në fund kauzës së tyre.
Discussion about this post