U ndëshkua me karton të kuq, por Van Dijk e pëson më keq se kaq

Mbrojtësi hollnadez Virgil Van Dijk u ndëshkua me karton të kuq në sfidën e Liverpool ndaj Newcastle fundjavën që lamë pas.

32 vjeçari e la ekipin e “The Reds” me 10 lojtarë në pjesën e parë megjithatë skuadra e Klopp arriti ta fitonte sfidën me përmbysje 1-2.

Van Dijk bëri një ndërhyrje ndaj një lojtari të Newcastle dhe gjyqtari e ndëshkoi menjëherë me të kuqe. Por përveç kësaj mbrojtësi e fyeu arbitrin dhe prej kësaj Federata Angleze e futbollit e ka ndëshkuar edhe më rëndë mbrojtësin.

Ai është dënuar që të mos luajë në 4 ndeshjet e rradhës të Liverpool në Premier League. Kështu Van Dijk nuk do të jetë pjesë e skuadrës në takimet ndaj Aston Villës, West Ham, Wolves dhe Tottenham.