Rrethoi me mur guri tokën e tjetrit, nën hetim një person në Kolonjë

Policia e Kolonjës ka referuan materialet në Prokurori ku dhe ka filluar procedimi në gjendje të lirë për një banor me inicialet S. K., banues në  fshatin Barmash, pasi dyshohet se me vetëgjyqësi ka rrethuar me mur guri, një sipërfaqe toke në pronësi të një shtetasi tjetër.

“Specialistët për Hetimin e Krimeve të Komisariatit të Policisë Kolonjë referuan materialet në Prokurori ku filloi procedimi në gjendje të lirë për shtetasin S. K., banues në  fshatin Barmash, Kolonjë, pasi dyshohet se me vetëgjyqësi ka rrethuar me mur guri, një sipërfaqe toke në pronësi të një shtetasi tjetër”, njofton Polica.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.