Ministri i Brendshëm Taulant Balla ka pritur në një takim Koordinatorin Special të Qeverisë së Mbretërisë së Bashkuar, Gjeneralin Stuart Skeates.
Takimi kishte në fokus luftën kundër krimit të organizuar dhe lëndëve narkotike. Gjithashtu u diskutua me uljen e emigracionit të paligjshëm drejt Britanisë së Madhe. Këtë vit ka një ulje drastike deri në 92% të rasteve të emigranteve të paligjshëm.
Postimi:
Rezultatet e punës së përbashkët së agjencive ligjzbatuese shqiptare dhe britanike në përballjen me emigracionin e paligjshëm janë domethënëse, ku është shënuar një ulje drastike deri në 92% të rasteve të emigrantëve të paligjshëm shqiptarë, krahasuar me vitin e kaluar. Qeveria britanike vlerëson si të shkëlqyer bashkëpunimin me Qeverinë shqiptare në arritjen e këtyre rezultateve.
Shembulli më kuptimplotë është rasti i riatdhesimit të menjëhershëm të 5 emigrantëve të paligjshëm, të cilët mbërritën në brigjet britanike të dielën e kaluar dhe rikthimi i tyre në Shqipëri të enjten.
Eksperiencën e fituar në këtë Task Forcë të përbashkët, do ta thellojmë dhe shtrijmë edhe në luftën kundër krimit të organizuar dhe trafikimit të lëndëve narkotike.
Me Gjeneralin Stuart Skeates, Koordinator Special i Qeverisë së Mbretërisë së Bashkuar për Emigracionin e Paligjshëm.
Discussion about this post