Kryeministri i Kosovës, Albin Kurti ka vizituar në spital policin e plagosur nga sulmet e mbrëmshme në Leposaviq nga grupe të armatosura.
Kurti shprehet se operacioni shkoi me sukses dhe policit Alban Rashiti iu hoq predha nga krahërori i majtë. Sipas Kurtit kjo predhë u hodh nga kriminelët e orkestruar në Beograd.
Ndërkohë në orën 10:00 ka filluar dhe mbledhja e Këshillit të sigurisë së Republikës së Kosovës.
Si pasojë e një sulmi nga persona të paidentifikuar mbrëmë në Leposaviq, mbeti i vrarë një rreshter i policisë së Kosovës dhe u plagos një tjetër.
Postimi:
Operacioni i heqjes së predhës nga krahërori i majtë i policit Alban Rashiti është kryer me sukses sot në mëngjes. Predha ishte e një granate dore që e hodhën kriminelët e orkestruar nga Serbia në drejtim të policisë së Kosovës gjatë sulmit të tyre terrorist afër urës në Banjskë të Zveçanit. Gjatë vizitës në Klinikën Kirurgjike të QKUK-së takova edhe familjen e Albanit e cila erdhi nga Velekinca e Gjilanit. Polici i plagosur Alban Rashiti do të lirohet sot nga spitali.
Tash në ora 10:00 kemi mbledhje të Këshillit të Sigurisë të Republikës së Kosovës.
Discussion about this post