Edhe pas rezultatit zhgënjyës të koalicionit “Bashkë fitojmë” më 14 maj por edhe me ripërsëritjen e zgjedhjeve në Kukës, ku kanduidati i tyre Emri Vata pësoi një disfatë të thellë përballë socialistit Albert Halilaj, PL dhe PD do të vijojnë bashkëpunimin.
Kjo u konfirmua nga kreu i Partisë së Lirisë, Ilir Meta gjatë një intervistë për Faxnews, për gazetaren Jonida Omeri. Megjithatë i pyetur për aksionin opozitar dhe protestat e paralajmëruara si nga ai dhe Berisha, Meta nuk dha një datë se kur do të nisin.
Meta: Ne jemi gjithmonë ne vijën e parë të luftës për të rivendosur shtetin e së drejëts, demokracine, pluralizmin politik, llogaridhënien dhe në bashkëpunojmë me të gjithë që janë në këtë drejtim, sic kemi bashkëpunuar me PD.
Për ne është e rëndësishme që opozita të shumëfishojë përpjekjet e saj për të unifikuar qëndrimet përballë regjimit, kjo mbetet vendimtare dhe për të bërë funksionale parimet e Kushtetutës tonë që janë edhe parimet evropiane.
Discussion about this post