Shkrumbohet pylli me pisha në Fier! 8 zjarrfikëse në krye të detyrës, por pritet ndihmë nga ajri

Flakët në pyllin me pisha në Pishporo të Fierit, vijojnë të përhapen me shpejtësi të favorizuara dhe nga era e fortë.

Burime për FaxNews bëjnë me dije se në vendngjarje ndodhen tetë mjete zjarrfikëse, tre të Fierit, një nga Rroskoveci, Vlora, Divjaka, Lushnja, një e kompanisë “Alpetrol” si dhe dy autobote uji.

Sipas prefektit Lefter Shehaj i cili ndodhet pranë vatrës së zjarrit për të monitoruar nga afër situatën pohon se pritet ndërhyrje nga ajri pasi terreni i vështirë dhe zjarri në kurorën e pishave e vështirëson ndërhyrjen e zjarrfikësve.