Pasi Konferenca e Kryetarëve nuk dha konsensusin për kërkesat e opozitës për ngritjen e dy komisioneve hetimore, atë për PPP-të dhe mënyrën e trajtimit të të dhënave personale të qytetarëve, që sipas një kallëzimi në Prokurorinë e Tiranës nga ana e AMP dyshohet se kanë rrjedhur nga sistemi TIMS, kreu i grupit parlamentar të PD, Gazment Bardhi ka dalë në një deklaratë për mediat.
Bardhi duke e cilësuar si anti-kushtetuese, Bardhi tha se justifikimet qe dha mazhoranca, “janë fyerje për çdo mendje normale njerëzore.”
“Zyrtarisht në përputhje me të drejtën tonë kushtetuese 45 deputetë iu drejtuam kuvendit për një komision hetimor. Sipas kushtetutës Kuvendi është i detyruar të ngrejë një kom hetimor kur e kërkojnë jo më pak se 35 deputetë.
Pa asnjë surprizë siç kanë vepruar në 1 vit e gjysmë, maxhoranca vendosi të mos japë konsensusin për ngritjen e dy kom hetimore. Antikushtuese. Është detyrim për Kuvendin e Shqipërisë. Të dyja argumentet që janë justifikime jo vetëm që nuk qëndrojnë, nuk kanë bazë kushtetuese, por janë fyerje për çdo mendje normale njerëzore.
Argumenti i parë, lidhje me faktin se ne kërkonim të hetonim 4 kontrata koncesionare. Sipas tyre nuk mund të hetohen 4 kontrata, çështje shumë e gjerë. 4 kontratat lidhen me një çështje të vetme, që ka të bëjë me ofrimin e shërbimeve qytetarëve sipas një marrëdhënieje PPP. Për sa kohë janë miratuar të 4 kontratat nga qeveria me vlerë 450 mln euro, ne kërkuam që të verifikohet si janë lidhur këto kontrata dhe së dyti si po zbatohen. Të dhënat e verifikimit nga KLSH kanë treguar që jo vetëm kemi të bëjmë me kontratave dhe vlera abuzive, por me pagesa e shërbime që qytetarët nuk i përfitojnë.
Për të dhënat e sistemit TIMS, shqetësimi nuk ka ardhur vetëm nga opozita, por dhe nga ambasada e SHBA-ve”– u shpreh Bardhi.
