Në bazë të analizës së riskut, në dalje të vendit, u kaluan për kontroll në vijë të dytë, 47-vjeçari me inicialet Dh.H, të cilit i janë gjetur 10 365 euro dhe 45-vjeçari me inicialet R.K, të cilit i janë gjetur 10 155 euro dhe 100 dollarë.
Shumat e parave të padeklaruara nga këta shtetas u sekuestruan në cilësinë e provës materiale.
Në vijim të veprimeve procedurale për këtë rast, u referuan materialet në Prokurori ku nisi procedimi në gjendje të lirë për shtetasit Dh. H., 47 vjeç dhe R. K., 45 vjeç, të dy banues në Kuçovë.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.
Discussion about this post