Analisti Kim Mehmeti komentoi në Fax News situatën në veri të Kosovës dhe konfliktin me Serbinë. Për gazetaren Fabjona Pasho, Mehmeti analizoi konjukturën e shtetit serb.
Sipas tij Serbia dëshiron të arrijë atë që nuk është arritur në të shkuarën. Ata kanë vënë nën 5 kontroll shtete në Ballkan dhe për çdo gjë udhëheq Kisha Ortodokse.
Kim Mehmeti: Serbia nuk ka hequr kurrë dorë nga “Serbia e madhe”. Dhe ajo tani do të korrigjojë, do të arrijë të gjitha që nuk ia doli Moillosheviçi.të cilët serbët edhe e kritikojnë jo pse nisi luftën, pse e përgjaku Ballkanin, por e kritojnë pse nuk i realizoi ëndrrat për Serbinë e madhe. Tani drejtuesit e sotëm të Serbisë duan ta arrijnë me mjete “paqësore”. Ata kanë vënë nën kontroll 5 shtete të Ballkanit. Ato i kontrollojnë stabilitetin e Bosnjës përmes Republika Srpska. E kontrollojnë stabilitetin e Malit të Zi përmes Kishës Ortodokse. E kontrollojnë stabilitetin e Kosovës përmes veriut të saj dhe kontrollojnë edhe stabilitetin e Maqedonisë përmjet strukturave proserbe që i kanë në atë shtet. Duhet patur parasysh që Serbia është shtet kishtar. Në Serbi për çdo gjë vendos Kisha Ortodokse serbe dhe politikanët serbë janë zbatues të kësaj politike. Ju e keni parë që prej moti që Kisha Serbe do të mbetet në Kosovë, si shtet brenda shtetit. Doli që kishat, manastiret janë përdor për të fshehur armatimet”, tha Mehmeti.
Sipas Kim Mehmetit, Shqipëria dhe shqiptarët duhet të jenë gati pasi gjërat mund të përshkallëzohen. Jetojmë në një rajon konfliktesh dhe në një mjedis armiqësor ndaj nesh.
Në këtë kuadër nuk mundet që kryeministri Rama të mbajë qëndrim neutral. Rama po shndërrohet si Dodiku i Republika Srpska në Bosnje.
Kim Mehmeti: “Mendoj se më vështirë do të bëhet për ne shqiptarët lidhur me … në Ballkan ende gjërat nuk janë definuar sado që thuhet. Kështuqë ne duhet të sillemi si të gjithë popujt normalë. Duhet të jesh monstër që ta ftosh dhunën, luftën ta duash. Mirëpo duhet të jesh edhe nën mesataren idiot që të mos jesh gati kur jeton në një mjedis të atillë. Kur jeton në një mjedis të dhunshëm dhe ai tjetri është gati të të dhunojë dhe ti të mos jesh gati për atë.
A është Shqiptaria e gatshme për t’u përballur me një situatë të tillë?! Kosova për çfarë është e gatshme, Shqipëria për çfarë është e gatshme, Maqedonia për çfarë është e gatshme?! Duhet të fillojmë të mendojmë shqip, nuk mjafton vetëm të flasim shqip. Duhet të sillemi shqiptarçe. Nuk duhet të sillemi në atë mënyrë që të na pëlqejnë të tjerët. Duhet të veprojmë në atë mënyrë që të na pëlqejë neve shqiptaria. Të jemi të dobishëm për shqiptarinë. Dhe s’duhet të dëmtojmë të tjerët. Nuk jemi të dobishëm duke i dëmtuar të tjerët. Por s’mund të lejojmë të tjerët të na dobësojmë neve për t’u forcuar vetë. Po ndodh. Shiheni si sillet kryeministri i Shqipërisë. Sillet si… me e shikuar nga jashtë dhe të harrosh kryeministri i kujt është, do të mendosh se është Dodiku i Republika Bosnjas. Që ai është përfaqësuesi i një shteti ku nuk jetojnë shqiptarë. Si mund të jesh neutral?!”, u shpreh Mehmeti.
