Deputetja demokrate Albana Vokshi ka reaguar në lidhje me thirrjen e ministres Spiropali ndaj opozitarëve në parlament. Ditën e sotme ishte parashikuar mbledhja e Komisionit të Ekonomisë ku do të shqyrtohej buxheti i vitit 2024, së bashku me ministrin e Ekonomisë Ervin Mete.
Deputetët e opozitës ishin në Kuvend dhe nuk lejuan që kjo mbledhje të zhvillohej. Në këto kushte mazhoranca vendosi që mbledhja të vijojë online në lidhje Zoom.
Më pas Spiropali përmes një postimi në rrjetet sociale i bën thirrje opozitës të kthehen në Kuvend dhe të vijojnë punën normalisht. Vokshi ka reaguar ndaj kësaj thirrjeje të Spiropalit duke e quajtur atë si seksere të bandës së Bajrave në Shkodër. Vokshi shprehet se opozita do të vijojë betejën e saj.
Reagimi i plotë i deputetes Albana Vokshi:
Sekserja e Bajrave, një prej bandave me të rrezikshme, flet per institucione, kushtetutë dhe demokraci!
Historia na ka mësuar se në një vend ku nuk ka liri dhe ku opozitës nuk i njihen të drejtat kushtetuese, nuk mund të ketë as mirëqenie për njerezit!
Elisa Spiropali me shefin e vet le të vazhdojnë me Bajrat dhe Pëllumb Gjokën!
Ne do të vazhdojmë betejën tonë, si garancia e vetme se në Shqipëri ka shpresë!
Discussion about this post