Deputeti Gazment Bardhi ka reaguar sërish në rrjetin social X lidhur me seancën parlamentare të ditës së hënë. Më herët për mediat ai bëri një njoftim, se Garda e Republikës po bëhet gati të rrethojë të hënën deputetët e opozitës në Kuvend.
Më pas ka qenë Kuvendi me anë të një “burimi anonim” që e ka mohuar diçka të tillë. Mirëpo Bardhi ka publikuar edhe një foto ku duken forca të gardës brenda Parlamentit, ku sipas deputetit po ushtrojnë planin për rrethimin e deputetëve të opozitës.
Nga ana tjetër ai akuzoi kryetaren e parlamentit, Lindita Nikolla se ajo vetëm zbaton urdhërat e Edi Ramës.
Reagimi i Gazment Bardhit në X:
Kuvendi ka shpërndarë një lajm të rremë për mungesën e masave të posaçme autoritare për seancën e të hënës. Foto e publikuar është bërë sot, ku forcat speciale të Gardës po ushtronin planin për rrethimin e deputetëve të opozitës, në një akt të paprecedent në këto 32 vjet.
Ka një keqkuptim me reagimin tim dhe për këtë “burimi anonim” i medias ka të drejtë: Lindita nuk jep urdhëra, ajo vetëm zbaton atë që urdhëron Edi Rama! E vetmja detyrë e saj është të hap dhe mbyll derën e zyrës!
Kuvendi ka shpërndarë një lajm të rremë për mungesën e masave të posaçme autoritare për seancën e të hënës. Foto e publikuar është bërë sot, ku forcat speciale të Gardës po ushtronin planin për rrethimin e deputetëve të opozitës, në një akt të paprecedent në këto 32 vjet. pic.twitter.com/btyif6znxg
— Gazment Bardhi (@GazmentBardhi) November 18, 2023
Discussion about this post