Filippo Turetta , ish-i dashuri i Giulia Cecchettin, trupi i të cilës u gjet në një kanal pranë liqenit Barcis , në provincën e Pordenone, u arrestua pranë Leipzig , Gjermani .
Arratisja e 22-vjeçarit nga Torreglia përfundoi përgjatë autostradës A9 pranë qytetit të Bud Duremberg, pas një jave në arrati. Makina me të cilën ai po udhëtonte u ndalua në korsinë e emergjencës sepse i mbaroi benzina dhe Filippo nuk kishte para për të rimbushur sërish karburant. Pasi u vërtetua arrestimi, Turetta u transferua në një qendër paraburgimi në Halle. Ai pritet të ekstradohet drejt Italisë brenda 10 ditëve.
22-vjeçari akuzohet se ka vrarë ish-të dashurën e tij Giulia. Ai e ka qëlluar të paktën 20 herë me thikë, ku në trupin e viktimës janë gjetur plagë në kokë dhe qafë.
Sipas hetimeve, i riu e kishte planifikuar më herët vrasjen e ish-të dashurës së tij.
Discussion about this post