Pushteti/”Ti qenke me PS-në”, debat i ashpër i Agron Kapllanaj dhe Altin Goxhaj: Nuk jam i shitur, as i blerë

Tensionet në Kuvend dhe reagimi i Ndërkombëtarëve ishte tema e sotme në studion e emisionit Pushteti në Fax News. Të ftuarit e Besnik Suljemanit ishin: Altin Goxhaj, Agron Kapllanaj, Besart Xhaferri dhe Elkier Bushkolaj.

Debat i ashpër u zhvillua mes ish-deputetit të Partisë Demokratike Agron Kapllanaj dhe avokatit Altin Goxhaj. Sipas Kapllanaj, njeriu që ka qenë fillimisht kundër Komisioneve Hetimore ka qenë Sali Berisha, pasi nuk donte ngritjen e Komisionit Hetimor për inceneratorët.

Më pas avokat Goxhaj akuzoi Kapllanaj dhe grupimin e Bashës si njerëz të shitur tek Rama. Sipas Goxhajt, Basha shiti shqiptarët dhe interesat e tyre duke shitur zgjedhjet.

Nga ana tjetër, Kapllanaj thotë se nëse Berisha ka mbështetje e sfidon nëse mbledh më shumë se 20 mijë veta në shesh.

Goxhaj më pas akuzoi Kapllanajn se ka përfituar tendera nga qeveria, për të cilën ish-deputeti u përgjigj se nuk merret me biznes, por familjarë të tij. Kjo është qesharake sipas Goxhajt, pasi jetojmë në Shqipëri ku nuk ka ligje dhe qeveria s’të lë të marrësh frymë.

Kapllanaj: Sali Berisha ka qenë kundër Komisioneve, Ka votuar kundër. Yuri Kim ndërhyri që lejoi ngritjen e Komisionit për inceneratorët. Mazhoranca nuk ishte dakord, ajo ndërhyri. Dhe tani disa zyrtarë janë në burg. Nëse ka njeri që i shërben Ramës, është Sali Berisha.

Goxhaj: Berisha e ka bërë model Lulzim Bashën.

Kapllanaj: Berisha bashkëpunonte me Ramën që në 2008, kur ndryshuan Kushtetutën.

Goxhaj: Basha ku ishte atë kohë? I shiti zgjedhjet, i mori në qafë shqiptarët.

Kapllanaj: Nëse Berisha ka mbështetje të qytetarëve e sfidoj tani. Meqë thotë jam shumica, le të mbledhi 20 mijë veta në shesh.

Goxhaj: Nuk i mbledh dot.

Kapllanaj: Jam demokrat që para 91. Nuk jam i shitur as i blerë.

Goxhaj: Lulzim Bashës e marrin me të qeshme. Është qesharak

Kapllanaj: E kam emrin Agron Kapllanaj, më njohin të gjithë. Kam marrë 6000 mijë vota në Mallakastër.

Goxhaj: Aq ke punësuar. Bravo i qoftë, është biznesmen i madh. I fiton tendera kësaj qeverie kaq të korruptuar.

Kapllanaj: Nuk merrem unë me biznes, merren familjarët e mi.

Goxhaj: Kjo qeveri s’të lë të marrësh frymë, më kanë bllokuar logarinë bankare.

Kapllanaj: Jetoj në këtë vend. Edhe im vëlla nuk merr asnjë tender nga qeveria. Janë në bazë të rregullave dhe ligjeve.

Goxhaj: Ti qenke me PS-në.

Kapllanaj: Ky shtet ka ligje.

Goxhaj: Po çfarë ligjesh ka?!

Kapllanaj: Shko protesto.