I ftuar pasditen e sotme në studion e Fax News ishte Ibsen Elezi. Për gazetaren Rovena Neziri ai u ndal tek situata në Partinë Demokratike dhe lidershipi i Sali Berishës. Sipas Elezit, ish-kryeministri vuan nga mania e kontrollit, pasi ka mbyllur partinë për interesa familjare dhe personale duke mos lejuar fjalën e lirë dhe debatin.
Elezi thotë se Berisha duhet t’ju kërkojë falje demokratëve për humbjen e 14 majit. Humbjet e zgjedhjeve lokale ishin një vetëvrasje për ish-kryeministrin, megjithatë ai nuk e shpreh këtë pasi nuk ka kurajo.
Ibsen Elezi: Berisha një njeri që ka frikë nga debatet, nga fjala e lirë, vuan nga mania e kontrollit. Nuk mund të ndërtojë demokraci. Mund të jetë pushtetar autoritar, ka pasur suksese dhe dështime por nuk mund të ndërtojë sistemin që kërkojmë ne. Ky është problemi i madh. Të mbledhësh Kuvendin e 2 dhjetorit pa bërë një analizë. Mirë Rama ishte ky, ka të njëjtin justifikim me Lulzim Bashën në 2021, nuk përbën risi më. Çfarë do t’ju thotë demokratëve?! Arsyeja numër 1 e humbjes në 2021 ishte Rama dhe Basha të dy bashkë. Po tani?! Argumentat që ndërton zoti Berisha në raport me atë çfarë duhet të ndodh tani janë jo realist. Çfarë duhet të bëjë zoti Berisha tani? Duhet të bëjë një analizë. Duhet kurajo dhe vullnet. Duhet t’i kërkojë falje demokratëve. Dështova në atë që iu thashë më 11 dhjetor, kërkoj falje, hajde të hapim një proces të ri. Po aty janë një tufë humbësash. Më përpara kanë qenë një tufë hajdutësh, vjedhësish votash. 14 maji ishte vetëvrasja politike e Sali Berishës, sepse ka vrarë veten nuk e ka vrarë kush politikisht. Të përballesh me Berishën brenda partisë është e pamundur sepse kontrollon rregullin, kontrollon mjedisin.
Elezi shton se si Basha ashtu edhe Berisha po e groposin partinë pasi e kanë ndarë në pjesë për interesa personale dhe familjare. I krijojnë këto strategji pasi e kanë të pamundur të fitojnë zgjedhjet me vota.
Ibsen Elezi: Të groposësh partinë e parë opozitare në vend, me frymën e parë opozitare, për interesa të familjes së njërit apo tjetrit ky është krim. Duhet të mbajnë përgjegjësi. Në një periudhë 2 apo 3 vjeçare do shikohet qartë që këto do jenë përpara një përgjegjësie në sytë e opinionit publik. E ndërtojnë këtë strategji sepse janë të bindur se nuk mund të ndërtohet një forcë e re me shtrirje kombëtare, me influencë kombëtare që t’i mund këta me votë. Duke ditur që është e pamundur këto mbajnë një situatë të tillë, statike, që në momentin e zgjedhjeve pakënaqësia e Ramës do të shkojë drejt tyre dhe do të bërtasë Sali Berisha janë votat e Sali Berishës këto.
Discussion about this post