“Turp, kontrolloni dhe çantat e grave”/ Kaos në Kuvend, karriget e deputetëve grumbull te Foltorja

Seanca e sotme plenare pritet të jetë sërish e tensionuar. Deputetët e opozitës kanë tentuar që të hyjnë të parët në sallë, ndërkohë që janë hasur me rezistencën e Gardës, e cila ka ushtruar kontrolle në çantat e tyre.

Në një moment dëgjohet deputeti Flamur Noka teksa thotë se është një shtet banditësh, ndërsa shton se do ju vijë fundit.

Ndërkohë Vokshi akuzon Gardën se i ka kontrolluar dhe çantën. “Turp, kontrolloni dhe çantat e grave!”, tha ajo. Ndërkohë deputetët e PD si në seancat e kaluara kanë grumbulluar karriget e deputetëve te Foltorja.