Giorgio Chiellini ka folur në një intervistë lidhur me të ardhmen e tij. Mbrojtësi italian luan momentalisht tek Los Angeles. Pas dy ditësh ata do të kenë ndeshjen e fundit të sezonit kundër Columbus Crew.
Me shumë mundësi Los Angeles do të jetë kampion i MLS, por Chiellini shprehet se nuk e di nëse kjo sfidë do të jetë e fundit e karrierës së tij.
“Të ardhmen time e shoh tek Juventusi”, thotë Chiellini.
“Nuk e di në çfarë pozicioni, por aty kam kaluar gjysmën e jetës sime. Jam shumë i lidhur me ta dhe jam shumë i lumtur që po kalojnë një sezon të mirë. Do të kthehem në stadium atje gjatë festave të Krishtlindjes. Por nuk po nxitohem pas këtu jam me familjen time. Juventus po arrin të jetë i qëndrueshëm, ajo që i mungonte vitin e kaluar. Do të shohim nëse do të qëndrojnë pranë Interit deri në mars. Interi është favorit, nëse zikaltrit vazhdojnë larg në Champions League, do të jetë më e lehtë edhe për Juventusin të jetë krah tyre në kampionat”, u shpreh Chiellini.
Nga ana tjetër, ish-kapiteni i Zonjës së Vjetër, mbi trashëgimtarin e tij në futbollin italian, nëse është Bastoni apo jo, përgjigjet: Mund ta krahasoj me Bonuçin teknikisht, ai është përmirësuar shumë me Conten.
Discussion about this post