Rasti i Hakan Calhanoglu, i cili ka performuar jashtëzakonisht mirë për Interin gjatë dy viteve të fundit, po shqyrtohet nga dy klube të mëdha angleze.
Bëhet fjalë për Liverpoolin dhe Chelsean , pasi siç raportohet në Ishull, dy skuadrat kanë në listë mesfushorin turk dhe duket se janë të gatshme të bëjnë një lëvizje për të verën e ardhshme.
Calhanoglu është vlerësuar vazhdimisht nga të brendshëm të ndryshëm të futbollit, me trajnerin e Kombëtares së Turqisë, Vicenzo Modela që e përshkruan atë si mesfushorin më të mirë që luan në Itali dhe një nga më të mirët në botë, ndërsa Mario Balotelli ka thënë se është një nga mesfushorët më të mirë aktivë.
29-vjeçari ka nisur të gjitha ndeshjet e Interit në Serinë A këtë vit, një shenjë se sa shumë mendon Simone Inzaghi për të.
Calhanoglu ka kontratë me Nerazzurrët deri në verën e vitit 2027 dhe mesa duket milanezët do të kërkojnë një shumë të madhe për nënshkrimin e tij. Me fanellën e Interit, turku numëron 112 paraqitje me 19 gola dhe 12 asistime.
Discussion about this post