Ka përfunduar sfida mes Atalantës dhe Milanit në Serie A e luajtur pasditen e sotme. Skuadra nga Bergamo triumfoi me rezultatin 3-2 në një ndeshje të luftuar deri në sekondat e fundit.
Lookman shënoi dy herë për vendasit, nga një gol për çdo pjesë. Por avantazhi i tij u barazua në të dyja herët nga Giroud në pjesën e parë dhe Luka Jovic në minutën e 80′.
Por pak para se të mbyllej takimi, mbrojtësi i Milanit Daniele Calabria doli nga loja me karton të kuq duke i lënë kuqezinjtë në minutat e mbetura me 1 lojtar më pak.
Atalanta përfitoi nga kjo situatë, pasi Luis Muriel shënoi të tretin për ta në minutën e 95′, duke i dhënë tre pikët vendasve.
Pas 15 javëve kampionat, Atalanta ngjitet në kuotën e 23 pikëve në vendin e shtatë. Sakaq, Milani mbetet i treti me 29 pikë, ndërsa shanset për titull zbehen gjithnjë e më shumë.
Discussion about this post