Një shtetas i huaj 41-vjeçar është proceduar nga policia, pasi ditën e djeshme në Tiranë në Rrugën e Elbasanit ka dalë mes makinave duke bërtitur dhe duke shfaqur shenja agresiviteti.
Rasti u bë i njohur në rrjetet sociale teksa videoja e tij bëri xhiron e rrjetit. Më pas ai kundërshtoi dhe forcat e policisë të cilët e kanë udhëzuar të spostohet në trotuar.
Sakaq, ai është dërguar në spital për ndihmë mjekësore.
Njoftimi i Policisë:
Tiranë
Në lidhje me një video të publikuar në portale ditën e sotme, ju informojmë se:
Specialistët për Hetimin e Krimeve të Komisariatit të Policisë Nr. 1 proceduan penalisht shtetasin e huaj E. T., 41 vjeç.
Ky shtetas ditën e sotme, në Rrugën e Elbasanit, ka shfaqur shenja agresiviteti dhe ç’rregullime në sjellje, dhe ka bllokuar lëvizjen e automjeteve. Gjithashtu, gjatë neutralizimit, ka kundërshtuar me dhunë punonjësit e Policisë.
41-vjeçari është dërguar për ndihmë mjekësore në spital.
Materialet i kaluan Prokurorisë pranë Gjykatës së Shkallës së Parë të Juriduksionit të Përgjithshëm Tiranë, për veprime të mëtejshme procedurale.
Discussion about this post