Korçë/ Shkaktoi aksidentin tragjik mbrëmë në fshatin Belorta, policia arreston 23-vjeçarin

Policia ka arrestuar 23-vjeçarin që shkaktoi aksidentin tragjik ditën e djeshme në fshatin Belorta në afërsi të Korçës, ku humbi jetën një 36-vjeçar.

K.H., 23 vjeç banues në Kamëz u vu në pranga pasi makina e tij Hyundai përplasi automjetin Volkswagen që drejtohej nga E.M., 36 vjeç i cili humbi dhe jetën.

Të lënduar mbetën 4 pasagjerë në automjetin Volkswagen të cilët u dërguan në spital.

Njoftimi i Policisë:

Në vijim të informacionit paraprak të dhënë ditën e djeshme, për një aksident rrugor, ju informojmë se specialistët e Sektorit të Trafikut Urban dhe Interurban të DVP Korçë arrestuan në flagrancë shtetasin K. H., 23 vjeç, banues në Kamëz, Tiranë, pasi në aksin rrugor “Korçë-Devoll”, pranë fshatit Belorta, Korçë, duke drejtuar automjetin tip “Hyundai”, ka përplasur automjetin tip “Volkswagen” me drejtues shtetasin E. M., 36 vjeç, banues në fshatin Terovë, Maliq. Për pasojë ka humbur jetën 36-vjeçari E. M., si dhe janë dëmtuar shtetasit A. P., 50 vjeç, B. P., 20 vjeçe, D. P., 42 vjeçe dhe Dh. P., 36 vjeçe, banues në Kamëz, Tiranë, pasagjerë në automjetin tip “Hyundai”, të cilët ndodhen në spitalin e Korçës, jashtë rrezikut për jetën.